أشكرك اخوي عالمشاركة الرائعة...
وبالفعل هالظاهرة منتشرة في المجتمع الخليجي .. او خلنا نقول في العالم الاسلامي العربي اللي حرم هالشي ,,
بيظل سؤالنا .. ما هو الدافع اللي خلا هالبنت تطلع ويا الولد...؟
اتوقع السبب الرئيسي اللي خلا اغلب البنات ,, يدوسون على كراماتهم وسمعتهم ... انهم يطلعون ويا شاب ما يعرفونه غير فترة بسيطة .. هو النقص
اتقولون النقص من شو..؟
اقوول نقص الحنان .. كل هذا رااجع عالاسرة ...عالاهل .. اللي ما وجدوا الطريقة الصحيحة في تربية بناتهم وحتى اولادهم....
ما لاقوا الحنان والعطف في البيت في جو الاسرة ,,, ما لاقوا الثقة .. راحوا يدورون عليها برا البيت ..عند شخص ثاني .. هذا يمكن اول سبب
السبب الثاني .. يمكن من صديقات السوء .. اللي خلاص تعودوا عالشئ هذا .. صار جزء من حياتهم .. انه عادي فرري لايف شنو فيها اذا البنت بتطلع ويا البوي فريند مالها ... فالبنت لمن تختلط ويا بنات باعوا شرفهم وحياءهم بالتأكيد رح اتصير مثلهم مع مرور الايام....
ثالث سبب .. يمكن التقليد .. محاولة تقليد الاجانب ... الكل يدري انه الغرب هالشئ عادي عندهم .. بالعكس .. عندهم وحده لي صار عمرها 16 خلاص اهي مسؤولة عن نفسها .. ويشجعونها على انه يكون عندها بوي فريند ... بس لمن سووا دراسات ..في امريكا .. وجدوا انه اغلب احكام الدين الاسلامي اهي الصحيحة .. وايضا من خلال الافلام .. البنات في فترة المرااهقة يحاولون يخلون نفسهم اهم المتميزات في كل شئ... فيروحون ويقلدون... وهكذا ....
بس احنا عادتنا وتقاليدنا وديننا ما قال جذي ... اصلا حتى ولو الدين حرم هالشئ .. اساسا ,, قلب الانسان ما يطاوعه يسووي جذي
وين عزة النفس..؟
وين الكرامة ...؟
وين الحياء والخوف..؟
واللي تطلع ويا الشاب ,, بدون خوف او اي تردد .. هاي وحده ما عندها احساس ولا ضمير ... اتبيع اهلها عشان هالشاب .. حتى ولو كان يموت فيج انتي مالج غير اهلج اولى منه ... وبيجي واحد احسن منه ....
واذا كان يحبج صح .. اساسا ما بيرضى يطلع وياج ... ما بيرضى يكلمج واهلج ما يدرون ... اذا يحبج صح يتقدم لج ...
شكر لك مرة اخرى اخوي ويعطيك العافيه